दिक्तेल बोर्डिङद्वारा शिक्षकलाई रु. १.५ लाखको जीवन बीमा

दिक्तेल बोर्डिङ स्कुलले आफ्ना सम्पूर्ण शिक्षक-शिक्षिकाको पेसागत सुरक्षा सुनिश्चित गर्दै कार्तिक २६ गते बुधबार सामूहिक  जीवन बीमाको औपचारिक सार्वजनिकरण गरेको छ। विद्यालयले आफ्ना कर्मचारीको हितलाई प्राथमिकतामा राख्दै यो महत्त्वपूर्ण कल्याणकारी योजना लागू गर्ने खोटाङ जिल्लाकै पहिलो शैक्षिक संस्था बनेको छ। उक्त कार्यक्रममा नेपाल पत्रकार महासंघका जिल्ला प्रतिनिधिहरू, बीमा कम्पनीका पदाधिकारीहरू, र विद्यालय व्यवस्थापन समितिका सदस्यहरूको सक्रिय उपस्थिति रहेको थियो ।